Enjoy Our Lifes ^v^

惊险，刺激~挑战身心极限--泰国游

Sat, 19 Jul 2008 03:17:31 GMT

从泰国返黎都有一个星期啦，一直都无时间上黎UPDATE下我个空间，哈哈。。。

呢次泰国游真系不枉一行啊！！！真系身心都受到极大既挑战。。。

身：第一次玩降落伞，仲系系海上面玩，系半空中俯瞰，感觉真系无语伦比。。。

香蕉船，虽然唔系第一次玩，但系由于俾人话我地“又重又笨”，人身攻击。。。

心：第一次睇真人秀。睇之前，地陪就同我地讲：唔睇会后悔，睇左会更后悔。。。睇完之后真系好后悔，唔系因为唔好睇，只不过系太激啦！（由于内容太敏感啦，欲知祥情，打电话问我啦！哈哈~~~）

人生地不熟，我地六个不知天高地厚既女仔晚上去左行街，点知回程既时间上左部黑车，差D就要留系泰国做人妖啦。。。呜呜。。。好在我地都有返甘上下警惕性。

呢次泰国行真系太过惊险刺激啦，好难用言语形容啊，，，睇相啦，，，哈哈。。。

BB近照UPLOAD

Mon, 16 Jun 2008 14:48:35 GMT

哈哈。。。岩岩UPLOAD左我BB既最新近照，睇黎我再唔放D我BB既相上黎就会俾人打架啦！

由于时间问题，随便放左几张，大家过目啦！哈哈~~~

it may take time

Fri, 23 May 2008 18:23:39 GMT

it may take time, i don't know when is the end...

was it my fault...god knows...

was it his fault,,,he didn't think so...

when it's hard to tell, who can help???

i thought it was important, he took it as a piece of cake,,,

i thought he didn't respect me, he said it was for my own good...

i thought i,,,,,,,,,,,,,,,,how comes.........................S%*T!!!!!!!!!!

心情唔好~~

Fri, 11 Apr 2008 16:16:25 GMT

今日又有一位同事离开公司啦！心情有D失落！自我放完假返工到宜家，已经有2位同事离职，1位同事转部门啦！呢位同事虽然平时中意将心入面所念既野收收埋埋，问亲距，距都会话周公个女约左距为理由推唐！不过我知道距系个好感性既男仔！虽然，距从来都唔正面回答过我所提出既所有问题，

但系我都系问左距“你点解走啊？”距答“走，系正常既！”

虽然距俾左个模棱两可既答案我，但自己念念下，距讲得无错喔，走系正常既！唉~~搞到我都好想走啊！

除左因为有甘多同事离职而心情低落，仲发现，我返去既呢段时间，并唔系我未返前所想像既甘！正所谓桃花依旧，人事全非！

所有人既关系都搞到好似一团乱麻甘！以前融融洽洽既大家庭，宜家怨气冲天，人心涣散！十足十上演紧公司版《溏心风暴》！！！

切切实实觉得，肉体上既累，远远不及精神上既累！反正就累累累累累累累累累累累累累累累累累累累~~~~

我同老公讲，叫距养我，我唔捞啦！距话得，每个月三百蚊！

三百蚊！！！晕~~宜家D物价甘鬼高，行出门口都唔见左三百蚊啦！心淡。。。

算啦，都系叠埋心水继续捱啦！！！

今日系个位男同事既last day都无同距讲声添！不过我会挂住你架！

仲有，我要同你讲声多谢啊！唔理你有无睇到都好啦！多谢你系我放产假既呢段时间帮我执手尾啊！如果唔系你，我都唔会放得甘安心啊！呢段时间真系辛苦你啦！

最后，最紧要既系，发左达记得返黎带我地去豪返餐啊！！！哈哈~~~Every Success!!!

“黑导游”

Mon, 07 Apr 2008 15:27:20 GMT

大家见到个标题系咪觉得好奇怪哩，我又无去边度玩，又点会遇到黑导游哩？！其实呢个“黑导游”就系我！哈哈~~~

上个星期，经过万象城，发现时间廊打紧折喔，甘咪行埋睇下咯，系厨窗望左眼，发现一只表简简单单都几好睇，又打四折，心入面就盘算屈我老公送返只俾我啦。。。

真系天助我也，甘岩屋企要装多部冷气，老豆叫我地两公婆出去买，老公就问我去边度买好，我就话“去万象城啦……”（哈哈~~~心里暗爽！）

伏笔（车上）：“老公，我只表花左啦！都带左甘耐”“好啊，睇下几时买只俾你啦！”“万象城个间时间廊打紧折啊！”“原来有阴谋既！！！”被识穿！！！

到左时间廊，带左下之前睇岩打四折个只表，发现无咩特别喔。。。个小姐就介绍左另外一款打九折既俾我睇，带上手唔错喔，，，哈哈。。。

老公：“你好有潜质做“黑导游”喔，又话四折800蚊，宜家又拣个差唔多两千蚊既！”嘻嘻~~~“黑导游”就系甘样黎架啦。。。

不过后来都系无买到，念左下，香港应该会比呢边便好多，都系过去香港买啦！

九选三后记

Wed, 05 Mar 2008 04:51:36 GMT

3月3号顺利通过九选三，系呢度我最想多谢既就系我亲爱既妈咪。如果唔系得到距既鼓励，我念我只得50%既可能性通过九选三既考试。。。

系考试前冲刺训练既前3日，教练突然话俾我知，九选三加大难度，变成九选六。即由原来只考：定点停车，上坡起步，直角转弯，曲线行驶既基础上，再增加：过连续障碍，单边桥和限宽门。当日既练习带俾我唔少既打击。

过连续障碍，地上参差摆放左六个铁饼，目标系要将车唔好压上或擦拭六个铁饼绕行到终点。而我，竟然连系同一条线上号1，2号饼都压左上去，就更加唔系讲之后无规则既3，4，5，6号饼啦！教练无语。

过单边桥，一前一后，一左一右摆放住两条同轮胎差唔多宽既铁桥，目标系将单边车轮开上铁桥，途中车唔可以从桥上面跌落黎。而我。。。。。。唔使讲大家都明啦！教练开始发飚。

续而练左几次都唔成功之后，个日既练习亦随之结束。我既心情沉到谷底，当时差D就喊左出黎！我念我一定考唔过架啦！

为左帮自己可能考唔过铺路，一返到屋企，我就同阿妈系度讲有几难，有几难。呢个时候我老公就拆穿我讲：你宜家系度为自己到时考唔过而铺路系咪？！哈哈~~~知我者莫若我老公也！！！之前一直沉默既妈咪终于开声啦：自己都未努力就已经打定输数，用个脑念下点样克服嘛！有乜野可以难得到我个女架！

好一句“有乜野可以难得到我个女”！令到我好似大力水手食左波菜甘，充满力量！经过反复思考，系第二日既练习里面，我终于顺利通过连续障碍同单边桥。

虽然，考试当日并无考到过连续障碍同单边桥，令我既技术并无用武之地。但系有准备总好过无准备，现实中只会将机会留俾有准备既人！

所以。。。。。妈咪，多谢你！当然，仲要多谢拆穿我阴谋诡计既老公啦！！！哈哈~~~

有感而发

Thu, 28 Feb 2008 03:47:04 GMT

其实人是一种好奇怪的动物（刚刚看完朋友的SPACE有感而发）。

在这个世界上面，有的人只有资格成为我们擦身而过的陌生人；

有的人会成为我们短暂的朋友后再成为陌生人；

有的人会由陌生人成为我们很要好的朋友；

有的人会由陌生人成为我们很要好的朋友后，由于某些误会而成为陌生人，甚至仇人；

有的人会由仇人成为我们的好朋友。。。。。。

对于陌生人，我们心应予期待，因为他们可能在未来的某一点再与我们相遇；

对于好朋友，我们心应予感恩，因为他们会在我们最需要帮助的时候赴汤蹈火，两胁插刀；

对于仇人，我们心应予宽容，因为他们对我们所做不义的事情都会得到报应；

其实，无论是陌生人，好朋友，还是仇人，我们都应该对他们心存感激，因为是他们令我们短暂的生命变得更完整。

我们并不能掌握以后要发生的事情，我们要珍惜的是眼前所拥有的。

我系妈咪啦~~~

Sat, 01 Dec 2007 13:53:50 GMT

11月19日,对大家黎讲可能系一个再平凡不过既日子,但系对于我黎讲,系人生里面最重要既日子...

系哩一日,我唔止感受到为人子女为父母带来的喜悦,更感受到为人父母既伟大,因为生BB真系一件十分唔容易既事!!!

见到BB既第一眼,心入面实在有太多感受啦,第一句想同BB讲既系:小朋友,原来就系你系妈咪个肚仔入面郁黎郁去啊...好神奇哦...

宜家荣升为妈咪既我,要同我妈咪讲声:多谢~~~

边个想养狗狗架？!

Mon, 23 Oct 2006 05:54:31 GMT

我屋企只狗狗生左五只狗狗仔啊，如果边个想养狗狗既，就话我知啦!

虽然我唔捨得送D狗狗俾人地，但系六只狗狗一齐实在系太难打理啦，唯有忍痛将细狗狗送俾人地啦!

距地唔系咩名种狗，但系个个都好得意架!!!最紧要既系---够醒目!!!

如果边个有心人想养既话，就系度留底联系方法啦!

不过最紧要系要对狗狗有爱心，唔好养养下就唔养，将距地“掷”出街!甘系天理不容架!!!

可怜的狗狗

Fri, 07 Jul 2006 10:28:09 GMT

呢件事已经系两日前既事啦，，，我早上返工经过老房子，见一只GG被绑左系一棵树度，开头我以为距主人去左面包店度买早餐，，，就系呢个时候，D途人就议论纷纷，“这是谁的狗啊？”“是不是那个男人的？”诸如此类，我就开始留意睇呢只GG。发现系狗绳既最前端有一张十分显眼既纸条，内容如下：

有哪位经过的先生，小姐，如果你们想要养狗的就把它抱走吧，不要钱。狗主人

我当场见到十分之气愤，又觉得好伤心。

气愤既系，点解宜家D人甘唔负责任，买左只狗返屋企，根本就无念过自己既实际情况，有无甘既能力，时间，精力去照顾距。照顾系一生一世架!!!大家要知道，狗狗既寿命最长得13or14岁，相对人黎讲真系好短好短。。。

伤心既系，从只狗狗既外表睇黎，距既主人对距曾经十分既爱护，一身雪白整齐既毛，好干净!

点解宜家又要甘对距哩？!我真系好唔明，当场真系好想喊。。。。

当时系我脑海浮现左好多唔同既念法，系将距交俾警察，没用!!!动物爱护协会，深圳无!!!带距走!!!就系呢个时候，烧饼屋既一个女仔行左出黎将距抱左入铺头度，我离开。。。

唔知宜家个只狗狗宜家情况系点哩？希望距新既主人可以好好爱护距，照顾距到最后一刻啦!

GG,祝你幸福!!!

换个新发型，转转运。。。

Mon, 26 Jun 2006 05:37:45 GMT

呵呵。。。星期六上完班，约了我们家的JIMMY一起去弄头发。

本来想着只是剪一剪短就好了，谁知道剪了之后，头发像八瓜鱼一样，手舞足蹈的，所以决定把它给拉直了，心想，，，惨了，，，大头有排等了，，，好在他也要染头发，舒一口气~~~不过可怜的JIMMY，最后还是等了我快两个小时，还带的病呢，，，感动ing...

在剪头发的过程中，有一个所谓的”香港发型师“超烦人，一边剪一边跟他的客人吹水，吹完以后还要狂问”你明唔明啊？！“好像自己好有料似的。。。晕。。。。

今天回到公司，大部份同事都说现在这个发型挺好看，，，挻清纯的，，，哈哈，，，我本来就很清纯的嘛。。。哈哈~~~~~

社会现象

Wed, 24 May 2006 11:52:00 GMT

我地宜家系报纸，杂志或者身边D朋友度都会听到好多关于抢劫，盗窃诛如此类既负面新闻。

而我自己本身亦都亲身经历过，遇过，见过。。。

点解宜家个社会会变成甘哩？!点解甘多人有手有脚，唔正正式式去稳份工，而系选择去偷，去抢哩？!

兼且抢返黎既野又要一大庞人分得鸡碎甘多，又要冒住生命危险，正所谓：死有轻于鸿毛，有重于泰山。距地点解要选择轻于鸿毛哩？!

其实，我地呢D平民百姓都要负一部分责任。点解？!

如果我地见到有人被偷野，有人被抢劫既时候，有人会挺身而出既话，我地团结既话，甘仲会有甘多黄毛贼么？!

哎。。但系边个又唔自私哩？!如果，个贼有刀既话，或者有任何攻击性武器既话，甘又点算哩？!

所以我都唔知点讲落下啦，上黎写下，发泄下!!!希望D贼快D改邪归正，等我地可以有个安定既社会。(发梦)

香港一日游－－豪气

Tue, 02 May 2006 07:39:08 GMT

好耐都无去过HK啦，兼且都无同大头一齐去过，所以寻日（MAY，1ST）就约左距一齐过去。。。YOYO系我同大头既怂恿之下，随大队。。。

本身念住过关会好多人，出乎我地意料既系－－－过罗湖：1分钟，过香港：3分钟（开心！！！）

不过“鱼”事就甘发生啦，由于本人比较OUT，无“发达通“，去到九龙塘要转地铁去旺角，用左HKD3.5去买左张飞，过闸个时竟然唔俾我过喔！！！甘我惟有稳服务台啦，（个两个衰人已经过左闸，唔陪我稳！！！）我俾张飞距睇，个靓仔同我讲：”小姐，你呢张系火车飞，梗系过唔到啦！““鱼啊！！！”

虽然”鱼“事发生左，但系都无影响到我行街街既心情，将打算要买既野都买到手，哈哈。。。好开心

仲好豪气甘买左只”姑肚脐“银包。。。（呢个月剩底既日子都唔知点过！）。。。无办法啦，有钱难买心头好啊嘛（我系甘样安慰自己既！）

仲有YOYO同大头都好豪气甘买左只HKD1580大元既侧揹袋，HKD1550大元既IPOD　NANO，，，，

我地都总算满载而归，，，哈哈。。。

仲想睇其他细节？！请参看大头和YOYO的SPACE啦。。。

缘

Fri, 31 Mar 2006 10:19:29 GMT

“于千万人中，于千万年间，没有早到一分，也没有迟到一步，刚巧碰上。。。”

“前一世的回眸千次，换来今世的擦肩而过。。。”

“百年修得同船渡，千年修得共枕眠。。。”

因为缘，我成为了爸爸妈妈的女儿；

因为缘，我成为了你们的朋友；

因为缘，我成为了你们的同学；

因为缘，我成为了你们的同事；

因为缘，每一天都坐着同一班车，见着同一帮人，彼此认识，却从不打招呼；

因为缘，每天与不同的陌生人擦肩而过；

因为缘，我认识了辉辉；

因为缘，。。。。。。

”缘“呢个字真系好神奇！可以令互不相干的人扯在一起，也可以令曾经推心置腹的人成为陌路人。。。

哈哈~~~

Wed, 08 Mar 2006 15:57:05 GMT

我都好耐无上过黎update我个space啦。。。

大家系咪睇到有D闷哩？！哈哈，，，无他既，全因一个“懒”字咯。。。

其实系呢段时间有好多野写架，，，

例如：我同我辉辉返左我乡下一个星期啦，

期间发生左好多好搞笑既野。。。宜家念起都觉得搞笑（你地系唔地明架啦。。。哈哈~~~）。

返到乡下见到我亲爱的外公、外婆啦，

有好清新既空气啦，好多星星既夜空啦，好近距离甘睇烟花啦，…………

真系数都数唔晒啊。。。（有好多野真系用钱买都买唔到架！！！）

我都黎讲下七年之痒

Mon, 16 Jan 2006 10:36:19 GMT

“七年”，系咪一个巧合，定系真系一个甘不祥既数字哩？!点解一定系七年哩？!一段感情既保鲜期真系只得“七年”？!

其实。。。一段感情既保鲜期只有“三个月”，无错。。。只有“三个月”甘大把。。。就系我地所谓既热恋期。。。

点解？!。。。因为我地恋爱既荷尔蒙激素只会持续三个月。。。

甘之后，我地系靠乜野去维持哩？!就系靠雷先生讲既甘，除除草，施施肥，淋淋水啦(具体系咩，大家慢慢去体会啦)。。。

感情系要去付出，无不劳而获既感情，无单方面既感情。。。

同时，感情亦要识得接受。。。懂得如何珍惜对方为你既付出。。。

个D因为七年之痒而分手既人，往往到最后先至会发现最爱既人仍然系个个同距一齐行过个七年既人。

Annual Dinner

Sat, 07 Jan 2006 01:22:24 GMT

话说寻晚系我地公司一年一度，而且系最令人期待既Annual Dinner。因为届时有好多大奖等紧我地拎。。。哈哈~~~

我地五个美女(Sally, Candy, Ula, Justina & me)仲要俾人摆上台，，，“跳舞”。。。晕。。。

无办法啦，系领导高压下，唯有硬住头皮上啦，，，我地total先练左个五日甘大把。。。开头仲话要“砍”低人地练左成两个月既“成人礼”添。。。根据我地既实际情况。。。最后变左“上到去唔好出丑就得啦~~~!!!”(当然啦，结果都系我地输左啦)不过我地都已经尽晒力，，，所以无咩好遗憾既。。。唯有明年我地要提前半年练啦。。。哈哈。。。

我今年既抽奖号系090，一发到我手，我就有预感---今年应该会中了呱(因为旧年咩都无中到。。。)

果然不出我所料，，，呵呵。。。我中左顺电现金券1500大元哦。。。，，，

衰运终于要远离我啦~~~!!!仲要系我地台一共中左5个人哦。。。好开心，，，

幸福的烧鹅比

Thu, 01 Dec 2005 00:28:11 GMT

寻日中午，辉辉因为有公事在身，中午要系出边食饭。

我问距食紧乜野，距话系深井食烧鹅比饭!。。。我一听，我突然之间都好想食啊~~~

我就话：”我又要食~~~~“，跟住我辉辉就好爽快甘应承我，话接我放工个时买俾我啦~~~

哈哈~~~好开心。。。搞到我成个下午都心不在焉。。。念住只大大既烧鹅比。。。

终于等到放工啦，辉辉亦都到左楼下等紧我。。。我急不及待甘第一个冲出公司门口(其实有D唔系几好意思啦~~~)

但系当我落到楼，见到辉辉两手空空，我就有D唔开心啦。。。我话：”我只烧鹅比哩？!” 距话：“哩度四楼唔系都有深井咩，去个度买咪得咯~~~。。。(呵呵。。。原来辉辉唔系唔记得我只烧鹅比既!!!)

去到四楼，我地去到深井个档口，我话：“一个烧鹅比啊唔该，唔使斩喔!”(哈哈。。。成只食先过瘾架嘛!!)跟住个收银员仲笑我添!!哈哈~~~

我地拎住只烧鹅比一直行到车站，等左一下车，车仲未黎，我实在系忍唔住要开动啦~~~我地就坐左系路边，开始向烧鹅比进攻啦~~~

辉辉将D肥肥既咬左，净底D瘦瘦既俾我食，虽然无左D肥肥既，我地两个都系食到成口都系油。。。仲系甘流落下巴到添，，，。。。

不过。。。你一啖，我一啖。。。甘系路边食野真系好SWEET SWEET 哦!!!~~~~呵呵~~~~!!!!

我感冒了

Tue, 15 Nov 2005 10:37:42 GMT

Oh No! 我感冒了！好辛苦啊！

上个星期六上班个时就有迹象要感冒啦，甘我咪嗱嗱声去问人地有无感冒药借黎用下咯（其实又点会还啊！）。点知个个都无！啊。。。灵机一触，前台一定会有嘎！！！

我黎到前台，问黑面神有无感冒药啦，距稳左下，话：只有白＆黑，没有白了，只有黑！（当时真系想爆粗！你虽然系黑面神姐，唔使剩底粒药都系黑色啊嘛？！）

无奈之下，我只有接受个粒黑色既白＆黑啦！我念住应该无事挂。食左之后我就离开公司啦！因为我仲有D野要做。

点知就系我食左之后既半个钟，个粒药发挥距既小宇宙啦！我超级无敌眼训！我差D连眼都睁唔开啊！

我坐系车度又晕又累，成个世界好似都识转甘，出面个天气又热，真系屋漏兼逢夜雨啦！个时真系好好好辛苦哦！但我用我既意志力撑到回屋企，一返到屋企见到张床，即刻好有安全感，就一直训到7点几先起身食饭啦！

但发现病情加重啦！

宜家仲咳得好犀利添！辛苦啊！好日都唔病一次，一病就就甘！

真系唔想返工啊，如果可以好好甘留系屋企休息就好啦！

生命的喜悦

Sun, 23 Oct 2005 15:58:23 GMT

今日好开心啊，一朝早收到芝姐发俾我既信息，话Barbara生左个BB女啊！！！

于是，我地就约埋一齐老师屋企睇BB啦！！！呵呵~~~

之后，我仲叫埋阿珊。那个死蒋科叫他去他还不去哩！我仲打左俾YOYO，个衰人竟然CUT我电话，之后原来距系上紧班。

我拣左两套好可爱既BB衫俾BB做见面礼，系拣衫仔既过程中，发觉D BB 衫真系好Q啊~~~

宜家D BB 真系幸福啊~~~

买完衫之后，就等埋阿珊黎接我地一齐去啦~~~阿B都有一齐黎啊，我问距仲认唔认得我系边个，距话认得。我话：甘我系边个啊？距先至又话唔认得~~~伤心~~~不过距宜家大个左好多啦，又靓仔左好多啦~~~哈哈~~~我地四个人就出发去老师屋企啦~~~

芝姐话，老师屋企系SAM‘S个边，叫“自然居”。到左个边，我地发现有三座大厦叫“天然居”既，芝姐话，应该系呢边啦。。。呢两个“居”应该系一个阿妈生既喔，~~~我地就信距，继续开车向前行，但是我地念应该唔会系甘前面架~~~于是我就叫芝姐打电话俾老师啦。。。老师话系”天然居“啊~~~当时真系想打晕阿芝姐啊~~~

我地上到老师屋企，见到老师剪左头发，不过心情就好好~~~

我地急不及待要见BB，就冲左入去老师间房，（宜家念起有D唔好意思啊~~）

我地见到一个岩岩出左世十一日既BB，真系好兴奋啊~~~

细细既嘴仔，细细既鼻仔，细细既眼仔，细细既手仔。。。

真系好可爱啊~~~

由于BB一直都训紧觉觉猪，都无机会抱下距，同距玩。

听老师讲，距系顺产既，不过真系好辛苦，好痛啊~~~

不过，睇得出老师宜家好幸福。。。

我地围系BB旁边倾计，倾到好多人啦，从老师口中知道好多人宜家既情况，知道距地宜家都好好，不过仲未有一个系结左婚既。。。呵呵。。。

老师最关心既系蒋科，问距系咪仲系好似以前甘喔~~~呵呵~~~（让当事人自己说一下吧~~~）

我地仲睇左老师既结婚相，发现左一个好好笑既野---就系系相入面距老公既眼比距既仲大~~~哈哈

老师话，上次YEN上距屋企讲论文既时候，距都系甘话喔。。。。。。。

系我地倾计既过程中，BB不时伸下懒腰，郁下个头仔，我地所有人都不约而同甘望住距。。。

真系好神奇啊~~~我地都系由一个只系识训同食既BB，变成好似宜家甘有思想有思想既人。。。

我领会到好多野，不过我唔会话俾你地知既，系我既秘密。。。

大概五点甘我地就返屋企啦，下一次我地再一齐去睇BB啦。。。希望BB健健康康甘成长。。。

希望个时你都会同我地一齐去。。。

Photo Album: Thailand Part I

Wed, 23 Jul 2008 15:47:52 GMT

Thailand Part I

DSC02092.JPG

DSC02093.JPG

DSC02094.jpg

DSC02096.jpg

DSC02099.JPG

DSC02101.jpg

DSC02104.JPG

DSC02106.jpg

DSC02108.jpg

DSC02109.jpg

More Photos...

Photo Album: BB近照

Mon, 16 Jun 2008 14:42:53 GMT

BB近照

开心哦~

老爸？！

嘻嘻~~

我发飚~~

喝不到的？！

好热哦，，我扇。。

爷爷，我们去哪哦？

伯伯为什么还没来？

认真

我知道你在照我呢

More Photos...

Photo Album: 12月25日

Tue, 25 Dec 2007 13:44:46 GMT

12月25日

BB出世第一日

BB满月当日

Photo Album: ON MY WEDDING

Mon, 12 Feb 2007 06:05:02 GMT

ON MY WEDDING

无标题的照片

More Photos...

Photo Album: 1月16日

Tue, 16 Jan 2007 10:31:27 GMT

1月16日

无标题的照片

Photo Album: 我和熊熊

Tue, 23 May 2006 05:59:25 GMT

我和熊熊

熊熊和我

无标题的照片

我帅不？!

站起来给大家看看

细佬&熊熊&DD

熊熊&DD

我是老熊

Photo Album: Annual Dinner

Sat, 07 Jan 2006 01:39:53 GMT

Annual Dinner

哈哈~~~

五对美腿

五对美腿2

五个美女

呵呵。。。

仲系我地。。。

五个猛

小富婆

富婆

只有3个。。。

More Photos...

Photo Album: 虽然迟左D，但都系见证左一个日子

Wed, 04 Jan 2006 09:43:22 GMT

虽然迟左D，但都系见证左一个日子

抽到的圣诞礼物

好多公仔哦,,,

好多礼物啊~~~

好好味哦。。。

老细的祝福

两只小兔在森林

全部都系我地既。。。哈哈。。。

我和小兔

我们一伙人

我烧啊~~~

Photo Album: Family

Mon, 07 Nov 2005 01:01:45 GMT

Family

最终4

Photo Album: Oct 25th, My Birthday

Fri, 28 Oct 2005 00:53:47 GMT

Oct 25th, My Birthday

两个寿星公

寿星女 x 2

Yeah~~

村姑~~

美女与野蛮

诱惑？？？

寿星合照^v^

切蛋糕

我切。切。切

呵呵~~~

More Photos...

Photo Album: Magic

Mon, 03 Oct 2005 15:32:00 GMT

Magic

200212242044170[1]

200212242046441[1]

20025180108

200351475939672

athcarl0084

Elina14370014

levine830014

linda_maggie4120003

lovekristy0145

nickly01890001

More Photos...

Photo Album: 美丽的云南

Wed, 07 Sep 2005 09:47:53 GMT

美丽的云南

无标题的照片

中指？!另外一个手指无影到啊~~~

拎住袋花生啊。。。唔好食

无标题的照片

Yeah~~~

霹雳娇娃

型女

亲爱的。。。

酒吧中

美女与野蛮

More Photos...

Photo Album: 百万葵园

Fri, 27 May 2005 00:49:14 GMT

百万葵园

花花中的花花

U.S. team beauties

好丑

薰衣草

玟瑰花池

2005 黑玟瑰

Sun Flowers